Pas largimit nga Bodrumspori, Enis Bardhi menjëherë ka gjetur ekip të ri në Superligën e Turqisë. Bardhi u largua nga Bordrumspori pas rënies nga elita e futbollit turk duke e shkëputur kontratën.

Megjithatë, Bardhi edhe sezonin e ri do të luajë në Superligën turke pasi do të jetë pjesë e skuadrës së Rizesporit. Bëhet me dije se Bardhi ka tashmë marrëveshje me Rizesporin, e cila do të bëhet zyrtare gjatë kësaj jave.

30-vjeçari bën karrierë në Turqi prej vitit 2022, fillimisht te Trabzonspori dhe pastaj te Bordumspori, kurse ka luajtur edhe te Levante në Spanjë e Ujpesti në Hungari.

Në 88 ndeshje të luajtura në kampionatin turk, Bardhi ka shënuar 14 gola dhe ka bërë tetë asistime.