Veprimtari i çështjes kombëtare, Bardhyl Mahmuti, ka bërë me dije se gjatë natës së 8 dhe 9 shtatorit, përpara dyerve të nëntë xhamive në Paris, dikush ka vendosur koka të prera të derrave.

Ai ka thënë se provokimi ishte aq i madh, sa që rreziku i një revolte të përmasave më të gjera ishte i madh.

Në këtë kontekst, ai ka thënë se për habinë e të gjithëve, nxitja e konflikteve ndërfetare nuk ishte rezultat i “islamofobisë” së francezëve, por e ndërhyrjes së jashtme.

“Në bazë të dëshmive të fermerit ku ishin blerë kokat e derrave, incizimeve me kamerë dhe përgjimeve telefonike, prokuroria franceze deklaroi se njerëzit që vendosën kokat e derrave në xhami kishin veturë me tabela serbe, ndërkaq komunikimin telefonik e kishin bërë me telefona kroat”, ka shkruar Mahmuti në “Facebook”.

Postimi i plotë:

SHËRBIMI SEKRET I SERBISË DHE RADIKALIZMI FETAR

Gjatë natës së 8 dhe 9 shtatorit, përpara dyerve të nëntë xhamive në Paris, dikush vendosi koka të prera të derrave. Provokimi ishte aq i madh, sa që rreziku i një revolte të përmasave më të gjera ishte i madh.

Për habinë e të gjithëve, nxitja e konflikteve ndërfetare nuk ishte rezultat i “islamofobisë” së francezëve, por e ndërhyrjes së jashtme.

Në bazë të dëshmive të fermerit ku ishin blerë kokat e derrave, incizimeve me kamerë dhe përgjimeve telefonike, prokuroria franceze deklaroi se njerëzit që vendosën kokat e derrave në xhami kishin veturë me tabela serbe, ndërkaq komunikimin telefonik e kishin bërë me telefona kroat.

Edhe pse kriminelët e përfshirë në nxitje konfliktesh ndërfetare janë larguar nga Franca në drejtim të Belgjikës, uroj që të zihen sa më shpejtë dhe të hidhet dritë nëse shërbimi sekret i Serbisë ka shtrirë veprimin e vet edhe në shtetet e Evropës Perëndimore, pas rezultateve që ka pasur në nxitjen e vazhdueshme të radikalizmit fetar në Ballkanin Perëndimor.