Aleanca për Ardhmërinë e Kosovës (AAK) ka mbajtur tubim elektoral në Deçan, ku u rikonfirmua mbështetja e madhe për Bashkim Ramosajn.

Ramosaj përmes një postimi në “Facebook” ka falënderuar qytetarët e Deçanit për këtë mbështetje.

“Faleminderit DEÇANI im! Nuk ka krenari më të madhe sesa kur njerëzit e vendit tënd të falin besim kaq të madh, mbështetje kaq të fuqishme, fitore kaq të thellë. Sonte treguat se zemra e Aleancës rreh fort këtu, me besim të palëkundur dhe me dashni të madhe! Me Aleancën, nuk ndalemi këtu, do të vazhdojmë të punojmë me përkushtim, me ndershmëri e me vizion, për çdo fshat, për çdo familje, për çdo cep të Deçanit”, ka shkruar Ramosaj në “Facebook”.