Komisioni Qendror i Zgjedhjeve (KQZ) mbajti mbledhjen e 88-të këtë vit, të kryesuar nga kryesuesi Kreshnik Radoniqi.

Gjatë kësaj mbledhjeje, KQZ vendosi të certifikojë subjektin politik të 23-të për pjesëmarrje në zgjedhjet e parakohshme për Kuvendin e Republikës së Kosovës, të cilat do të mbahen më 28 dhjetor 2025.

Sipas vendimit të KQZ-së, certifikohet subjekti politik NISMA SOCIALDEMOKRATE – NISMA, e cila ka dorëzuar brenda afatit listën e përmirësuar me nënshkrimet e mbështetësve.

Gjatë periudhës 7-ditore (24 nëntor – 30 nëntor 2025), 24 subjekte politike (18 parti politike, 3 koalicione, 2 iniciativa qytetare dhe 1 kandidat i pavarur) kanë plotësuar formularin online për certifikim për pjesëmarrje në zgjedhjet e parakohshme për Kuvendin e Kosovës.

Në mbledhjen e 87-të, më 2 dhjetor 2025, KQZ certifikoi 22 subjekte politike (16 parti politike, 3 koalicione, 2 iniciativa qytetare dhe 1 kandidat i pavarur) për pjesëmarrje në zgjedhje, si vijon:

Partitë politike:

LIDHJA DEMOKRATIKE E KOSOVËS – LDK

PARTIA DEMOKRATIKE E KOSOVËS – PDK

KOSOVA DEMOKRATIK TÜRK PARTISI

INICIATIVA E RE DEMOKRATIKE E KOSOVËS

NOVA DEMOKRATSKA STRANKA – NDS

Za Slobodu Pravdu i Opstanak

PARTIA LIBERALE EGJIPTIANE

SOCIALDEMOKRATSKA UNIJA – SDU

JEDINSTVENA GORANSKA PARTIJA

PARTIA ROME E BASHKUAR E KOSOVËS

AAK – ALEANCA PËR ARDHMËRINË E KOSOVËS

Kosovaki Nevi Romani Partia

FJALA

LËVIZJA PËRPARIMTARE E ROMËVE TË KOSOVËS (LPRK)

KOSOVSKI SAVEZ

PARTIA BALLI KOMBËTAR DEMOKRAT SHQIPTAR (PBKDSH)

Koalicionet:

Lëvizja VETËVENDOSJE!

KOALICIJA VAKAT

PAI – PDAK – LPB

Iniciativat qytetare: PSA

Iniciativa Qytetare për Kosovë

Kandidati i pavarur:

NEDŹMIDIN SEJDILAR