Kryetari i Partisë Socialdemokrate (PSD), Dardan Molliqaj, ka komentuar deklaratat fyese të zyrtarëve të Lëvizjes Vetëvendosje (LV) ndaj medieve.

Ai ka thënë se prapa fyerjeve të zyrtarëve të LV-së fshihet lideri i kësaj lëvizje, Albin Kurti.

Molliqaj ka thënë se ata janë dorë e zgjatur e Albin Kurtit.

“Nuk është as Samia, as Fatoni, as Kraki e as Matoshi – është Albin Kurti. Eksponentët e Vetëvendosjes janë veç dorë e zgjatur e autoritarizmit të Kurtit”, ka shkruar ai në një videomesazh të publikuar në “Facebook”.