Presidenti i Serbisë, Aleksandër Vuçiq, gjatë takimit me përfaqësuesit e serbëve të Kosovës ka deklaruar se kanë informacione për lëvizje të trupave shqiptare nga bazat në Belvedere dhe Vrellë kah veriu i Kosovës.

Mirëpo këtë e ka demantuar zëvendësdrejtori i Policisë në veri të Mitrovicës, Besim Hoti.

“Nuk ka asnjë lëvizje. Në veri nuk ka asnjë lëvizje”, ka thënë shkurt Hoti për “Klan Kosovën”.