Kandidatja për deputete e AAK-së me numër 105, Ilirjana Mehmetaj, ka marrë mbështetje nga bashkatdhetarët në ShBA, nga biznesmenë dhe veprimtarë të njohur të çështjes kombëtare që veprojnë në Nju Jork.

Familja Gashi dhe biznesmeni e veprimtari i mirënjohur i çështjes tonë kombëtare që vepron në Nju-Jork, Salih Avdyl Gashi, i ka dhënë mbështetje të fuqishme kandidates për deputete Ilirjana Faton Mehmetaj që vjen nga radhët e Aleancës për Ardhmërinë e Kosovës -129 “Krah Teje” me numrin 105.

“Familja e Salih Jaheve të Baranit të Epërm është familje emblematike e njohur për traditat patriotike, por edhe për qëndresën e armatosur kundër ushtrisë serbo-malazeze nga viti 1912 e deri në luftën e Ushtrisë Çlirimtare të Kosovës ku Avdyl Gashi bashkë me Batalionin ‘Atlantiku’ erdhi nga Amerika për t’ju bashkuar luftës për liri”, ka shkruar në “Facebook” Ilirjana Mehmetaj.

Familja e Salih Avdyl Gashit nga Barani i Epërm bashkë me rrethin familjar, me miq e shokë në ShBA dhe Kosovë, bëjnë thirrje që ta votojnë 105-shin Ilirjana Faton Mehmetaj zërin që thërret për ndryshim, për energji të re, për ardhmërinë e rinisë së Kosovës.

Mesazhi i tyre është që qytetarët të bashkohen. “Bashkohuni thirrjes ‘Krah Teje’ – krah liderit të AAK-së, Ramush Haradinaj, Krah Ilirjanës, Krah Kosovës, Krah Amerikës dhe NATO-s, ndryshimi po vjen, ta zhvillojmë Kosovën, për një jetë më të mirë, me një të ardhme me prespektivë”.