Kryetari i Aleancës Kosovare të Bizneseve, Agim Shahini, e konsideron heqjen e masave nga Bashkimi Evropian si një korrigjim të vonuar të një padrejtësie ndaj ekonomisë së Kosovës.

“Por, fakti që vendi ynë u vendos nën masa ndëshkuese është dështim i qartë i institucioneve dhe i qasjes politike, që për interesa të ngushta rrezikuan ekonominë, bizneset dhe partneritetin me Bashkimi Evropian. AKB-ja kërkon llogaridhënie të menjëhershme dhe ndryshim të kursit politik, sepse ekonomia e Kosovës nuk duhet të jetë më viktimë e vendimeve të papërgjegjshme”, ka thënë Agim Shahini, kryetar i AKB-së.