Me dy lojtarë të rinj dhe gjashtë lojtarë të rikthyer në skuadër, përfaqësuesja e Gjermanisë do të paraqitet për dy ndeshjet e para për këtë vit. Lista prej 26 lojtarësh për ndeshjet miqësore kundër Zvicrës më 27 mars dhe Ganës 30 mars, u publikua të enjten nga seleksionuesi, Julian Nagelsmann.

Për herë të parë te Gjermania ftohen Lennart Karl dhe Jonas Urbig, kurse kthehen Pascal Grob, Kai Havertz, Anton Stach, Antonio Rudiger, Deniz Undav dhe Josha Vagnoman.

“Ata që nuk janë përfshirë këtë herë kanë ende mundësi të jenë pjesë e skuadrës së Kupës së Botës. Kjo listë do t’i ngjasoj listës së Kupës së Botës, por ende nuk është përzgjedhje përfundimtare e Kupës së Botës”, ka thënë Nagelsmann.