Kryeministri Ramush Haradinaj së bashku me stafin e tij ka nisur ditën e sotme me një minutë heshtje për ish-presidentin e Shteteve të Bashkuara të Amerikës, George H. W. Bush.

“Sot, filluam ditën e punës me një minutë heshtje në nderim të Presidentit George H.W Bush”, ka shkruar Haradinaj në llogarinë e vet në “Facebook”.

Presidenti i Kosovës, Hashim Thaçi, pas vdekjes së ish-presidentit të Shteteve të Bashkuara të Amerikës, George H. W. Bush, në shenjë respekti shtetëror dhe qytetar për kontributin e tij të dhënë për lirinë e Kosovës, ditën e sotme e ka shpallur ditë zie shtetërore.