Ish-zëvendëskryeministrja e Kosovës, Edita Tahiri, ka bërë të ditur se Konferenca Rajonale, e cila u mbajt në Shkup, ka sjellë diskutime, ide dhe rekomandime të rëndësishme për avancimin e zbatimit të marrëveshjeve paqësore, si dhe për fuqizimin e grave në politikë, vendimmarrje dhe lidership.

Sipas Tahirit, barazia dhe përfshirja e grave në procese politike dhe vendimmarrëse janë rrugë drejt paqes së qëndrueshme në rajon dhe në botë.

“Diskutime, ide dhe rekomandime të rëndësishme shënuan Konferencën Rajonale për të shtyrë përpara zbatimin e marrëveshjeve paqësore dhe barazinë e fuqizimin e grave në politikë, vendimmarrje dhe lidership si një rrugë drejt paqes së qëndrueshme në rajon dhe në botë”, ka shkruar Tahiri në ‘Facebook’.