Një epokë merr fund për dy gjigantët italianë. Për herë të parë që nga edicioni 1991/92, kur gara elitare evropiane mori formatin dhe emrin e Liga e Kampionëve , as Milan dhe as Juventus nuk do të jenë pjesë e kompeticionit më prestigjioz në Evropë sezonin e ardhshëm.

Që nga ai edicion historik, të paktën njëra nga këto dy skuadra kishte qenë gjithmonë prezente në Ligën e Kampionëve , duke mbajtur gjallë dominimin dhe traditën italiane në arenën evropiane. Por sezoni 2025/26 rezultoi katastrofal për të dy klubet.

Milani e mbylli kampionatin me humbje 1-2 ndaj Cagliarit në “San Siro”, duke mbetur jashtë top katërshes, ndërsa Juventusi dështoi ta fitojë derbin me Torinon, duke barazuar 2-2 në një ndeshje dramatike, por edhe ashtu fitorja e Comos, e linte jashtë Juventusin nga kjo garë.

Kuqezinjtë e mbyllën sezonin në vendin e pestë, ndërsa bardhezinjtë në të gjashtin, dhe të dyja skuadrat do të detyrohen të luajnë vetëm në Ligën e Evropës sezonin e ardhshëm.

Për klube me histori të jashtëzakonshme evropiane si Milani dhe Juventusi, ky konsiderohet një nga sezonet më të errëta të dekadave të fundit.