Zyrtari i lartë i AAK-së, Daut Haradinaj, ka publikuar një video në Facebook nga Belle Resort në Deçan, ku ka vlerësuar investimet në infrastrukturën rrugore të realizuara nga kryetari i Komunës së Deçanit, Bashkim Ramosaj.

Haradinaj ka shkruar se rruga e rregulluar i ka dhënë një pamje të re Belle Resort-it, të cilin e cilësoi si një nga resortet më të veçanta në trojet shqiptare.

“Rruga e rregulluar nga kryetari Ramosaj dukej se i kishte dhënë dritë resortit të paparë në trojet tona, Belle Resort, i cili gjendet 5 kilometra përtej Manastirit të Deçanit”, ka shkruar Haradinaj në postimin e tij.