Barcelona ka nisur zyrtarisht negociatat për transferimin e Rodrit nga Manchester City, në një lëvizje që mund të jetë ndër më të bujshmet e kësaj merkatoje.

Sipas Fabrizio Romanos, mesfushori spanjoll ka zhvilluar bisedime me drejtorin sportiv Deco dhe trajnerin Hansi Flick, duke i dhënë dritën jeshile klubit katalanas për të vazhduar negociatat.

Barcelona i ka paraqitur tashmë ofertën agjentit të lojtarit, ndërsa ka vendosur kontaktet e para edhe me Manchester Cityn për të diskutuar kushtet e transferimit.

Tani mbetet të shihet nëse dy klubet do të arrijnë një marrëveshje, me dëshirën e Rodrit për t’iu bashkuar Barcelonës që mund të luajë rol të rëndësishëm në negociata.