Deputetët e Partisë Demokratike të Kosovës (PDK) dhe ata të Aleancës janë paraqitur edhe sot në sallën e Kuvendit, duke kërkuar sërish konstituimin e legjislaturës.

Ata i kanë bërë thirrje partisë fituese të zgjedhjeve që të respektojë Kushtetutën dhe të ndërmarrë hapat për konstituimin e Kuvendit.

Gjatë kohës kur deputetët e të dyja partive po mblidheshin në sallë, deputetët e PDK-së, Artan Behrami dhe Altin Krasniqi, kanë vendosur nga një letër në ulëset e deputetëve të Lëvizjes Vetëvendosje.

Në letrat e vendosura në ulëse ishte shkruar mesazhi: “Respektoni Kushtetutën, konstituoni Kuvendin”.