Ministria e Arsimit dhe Shkencës ka organizuar sot Provimin e Maturës Shtetërore në 55 qendra testimi në të gjithë territorin e Kosovës.

Për këtë afat, përmes platformës eKosova kanë aplikuar gjithsej 5 mijë e 33 kandidatë. Pas shqyrtimit dhe verifikimit të aplikimeve, pjesëmarrja në provim u është miratuar 4 mijë e 967 kandidatëve.

Procesi i testimit ka nisur në orën 10:00, sipas planifikimit dhe procedurave të përcaktuara për administrimin e provimit. Gjatë testimit, 18 kandidatë janë përjashtuar pasi janë kapur me telefona, në kundërshtim me rregullat për mbarëvajtjen e provimit.