Kryetari i Lidhjes Demokratike të Kosovës (LDK), Lumir Abdixhiku, ka pritur në takim shefin e ri të Misionit të Bashkimit Evropian për Sundimin e Ligjit në Kosovë (EULEX), Antero Lopes.

Gjatë takimit është diskutuar për zhvillimet aktuale në vend, stabilitetin dhe sundimin e ligjit, si dhe për qëndrimet e LDK-së lidhur me çështjet me rëndësi për funksionimin demokratik të institucioneve.

“Kryetari Abdixhiku vlerësoi rëndësinë e bashkëpunimit të ngushtë me partnerët ndërkombëtarë dhe rolin e EULEX-it në mbështetjen e institucioneve të Kosovës në fushën e sundimit të ligjit dhe sigurisë”, thuhet në njoftimin e LDK-së.

Sipas LDK-së, gjatë takimit është shprehur gatishmëria për komunikim dhe bashkëpunim të vazhdueshëm me EULEX-in, me synim sigurimin e një shkëmbimi të rregullt të informacionit dhe koordinimit për çështjet që lidhen me sundimin e ligjit, sigurinë dhe stabilitetin demokratik të vendit.