Lecce ka triumfuar me rezultat bindës 0:3 në udhëtim ndaj Udineses, duke shfrytëzuar dobësitë e vendasve dhe duke merituar plotësisht tri pikët.

Skuadra mysafire mund të kishte shënuar edhe më shumë gola, pasi krijoi raste të shumta të pastra, por mungesa e saktësisë në finalizim dhe shtyllat e penguan ta thellonte edhe më shumë epërsinë.

Kialonda Gaspar dhe Konan N’Dri shënuan në pjesën e parë, ndërsa Jamil Siebert vulosi fitoren me golin e tretë në fund të ndeshjes.

Kjo ishte humbja e pestë radhazi për Udinesen, e cila mbetet me vetëm katër pikë në tabelë. Pas kësaj humbjeje, e ardhmja e trajnerit Kosta Runjaic pritet të jetë në qendër të diskutimeve, ndërsa presioni ndaj tij po rritet ndjeshëm.

Në xhiron e ardhshme, Lecce do të presë Juventusin, ndërsa Udinese do të përballet me Milanin, në një tjetër sfidë të vështirë për skuadrën e drejtuar nga Runjaic.