Kryetarja e Kuvendit të Republikës së Kosovës, Albulena Haxhiu, priti sot në takim të Ngarkuarën me Punë të Ambasadës së ShBA-ve, Wylita Bell.

Në takim u diskutua për prioritetet dhe punën që e pret Kuvendin në legjislaturën e njëmbëdhjetë, tashmë që institucionet e vendit janë të kompletuara, si dhe për mundësitë e thellimit të mëtejmë të bashkëpunimit me institucionet amerikane.

Kryetarja Haxhiu falënderoi Bellin për mbështetjen e vazhdueshme që Shtetet e Bashkuara të Amerikës i kanë dhënë Kosovës ndër vite.

“SHBA-ja mbetet aleati ynë strategjik, ndërsa partneriteti ynë me të është thelbësor për avancimin e rrugës euroatlantike të Kosovës”, tha kryetarja Haxhiu.