Ceremonia e ndarjes së çmimeve të “Topit të Artë” për vitin 2026 do të zhvillohet këtë të hënë, më 26 tetor, duke shënuar një moment të veçantë në historinë e këtij çmimi. Për herë të parë, në edicionin e saj të 70-të, ceremonia më prestigjioze e futbollit për vlerësimin individual të lojtarëve do të mbahet në Londër të Anglisë.

Spektakli do të zhvillohet në teatrin e njohur “London Palladium”, duke filluar nga ora 21:00. Ceremonia do të drejtohet nga legjenda franceze e futbollit Thierry Henry dhe gazetarja sportive Kate Scott.

Çmimi, i themeluar nga revista prestigjioze “France Football” në vitin 1956, do të kurorëzojë futbollistin dhe futbollisten më të mirë në botë për paraqitjet e tyre gjatë sezonit.

Përveç dy çmimeve kryesore, gjatë mbrëmjes gala do të ndahen edhe trofetë për talentin e ri të vitit, “Kopa Trophy”, portierin më të mirë, “Yachine Trophy”, trajnerin e vitit, klubin e vitit, si dhe golashënuesin më të mirë, “Gerd Müller Trophy”, në kategoritë e meshkujve dhe të femrave.

Vëmendje do të marrë edhe çmimi humanitar “Socrates”, i cili vlerëson angazhimin e futbollistëve në nisma solidariteti dhe kauza me ndikim shoqëror.

Gara për trofeun më të lakmuar individual në kategorinë e meshkujve pritet të jetë e fortë. Në mesin e 30 të nominuarve figurojnë emra të njohur të futbollit botëror, si Lionel Messi, Kylian Mbappe, Erling Haaland, Lamine Yamal, Ousmane Dembele, Vinicius Junior, Harry Kane dhe Jude Bellingham.

Klubi francez Paris Saint-Germain përfaqësohet me nëntë lojtarë në listën e të nominuarve: Ousmane Dembele, Achraf Hakimi, Khvicha Kvaratskhelia, Marquinhos, Nuno Mendes, Joao Neves, Willian Pacho, Fabian Ruiz dhe Vitinha.

Lista e plotë e të nominuarve për “Topin e Artë 2026”:

Jude Bellingham (Angli, Real Madrid)

Pau Cubarsi (Spanjë, Barcelona)

Marc Cucurella (Spanjë, Chelsea/Real Madrid)

Ousmane Dembele (Francë, Paris Saint-Germain)

Luis Diaz (Kolumbi, Bayern Munich)

Bruno Fernandes (Portugali, Manchester United)

Gabriel (Brazil, Arsenal)

Erling Haaland (Norvegji, Manchester City)

Achraf Hakimi (Marok, Paris Saint-Germain)

Harry Kane (Angli, Bayern Munich)

Khvicha Kvaratskhelia (Gjeorgji, Paris Saint-Germain)

Lamine Yamal (Spanjë, Barcelona)

Sadio Mane (Senegal, Al-Nassr)

Marquinhos (Brazil, Paris Saint-Germain)

Lautaro Martinez (Argjentinë, Inter)

Kylian Mbappe (Francë, Real Madrid)

Nuno Mendes (Portugali, Paris Saint-Germain)

Lionel Messi (Argjentinë, Inter Miami)

Joao Neves (Portugali, Paris Saint-Germain)

Michael Olise (Francë, Bayern Munich)

Willian Pacho (Ekuador, Paris Saint-Germain)

Julian Quinones (Meksikë, Al-Qadsiah)

Declan Rice (Angli, Arsenal)

Rodri (Spanjë, Manchester City/Barcelona)

Fabian Ruiz (Spanjë, Paris Saint-Germain)

William Saliba (Francë, Arsenal)

Ferran Torres (Spanjë, Barcelona/Paris Saint-Germain)

Dayot Upamecano (Francë, Bayern Munich)

Vinicius Junior (Brazil, Real Madrid)

Vitinha (Portugali, Paris Saint-Germain)