Një tifoz i Manchester United po bëhet gjithnjë e më i dëshpëruar, pasi ka kaluar 752 ditë pa i prerë flokët, duke pritur që skuadra e tij të fitojë pesë ndeshje radhazi.

Ai premtoi se nuk do të shkonte te berberi derisa Manchester United të arrinte pesë fitore radhazi.

Megjithatë, pritja vazhdon. Humbja 3-0 ndaj Bournemouthit në “Old Trafford” e thelloi krizën e skuadrës, e cila tashmë ka tetë ndeshje radhazi pa fitore, me pesë humbje dhe tri barazime.

“Mendoja se do të zgjaste tre ose katër muaj, por ka vazhduar shumë më gjatë nga sa prisja. Nuk e di edhe sa mund të duroj”, deklaroi ai.

Tifozi bëri edhe një koment me humor për gjendjen e tij: “Flokët i kam të pista, kundërmojnë erë dhe e dashura do të më lërë”.

Manchester United renditet në vendin e 16-të në Premier League, vetëm një pikë mbi zonën e rënies nga liga.

Herën e fundit që skuadra arriti pesë fitore radhazi ishte në shkurt të vitit 2024, nën drejtimin e Erik ten Hag.

Për Ilett, mbetet vetëm një pyetje: A do të arrijë Manchester United pesë fitore radhazi, apo do t’i soset më parë durimi tifozit të famshëm?