Akil Gjakova e ka nisur me fitore garën në Grand Slamin e Xhudos në Abu Dabi.

Në xhiron e dytë të kategorisë deri në 73 kilogramë, Gjakova e ka mposhtur xhudistin izraelit Ohad Moritz me “Ippon”, pas një hedhjeje efikase.

Në rundin e radhës, Gjakova do të përballet me bartësin e parë të garës dhe nënkampionin e botës, Makhmadbek Makhmadbekov.

Makhmadbekov është me origjinë nga Rusia, por garon për Emiratet e Bashkuara Arabe.

Ndërkohë, Dardan Cena është eliminuar që në luftën e parë, pasi ka humbur nga Karim Abdulaev i Emirateve të Bashkuara Arabe.

Sot në garë do të paraqitet edhe xhudistja kosovare Laura Fazliu.