Kryeministri i Kosovës, Ramush Haradinaj, ka vizituar të dielën një restorant në Deçan, i cili është pronë e bashkatdhetarit, Bashkim Ramosaj.

Haradinaj në llogarinë e vet në “Facebook”, ka shkruar se diaspora e Kosovës vazhdon të jetë shtyllë e ekonomisë së vendit.

“Diaspora jonë vazhdon të jetë shtyllë e fortë e ekonomisë së vendit. Është për t’u përshëndetur veprimi i shumë prej tyre për të investuar në Kosovë. Sot pata rastin të shoh nga afër investimin e bashkatdhetarit tonë në Gjermani, Besim Ramosaj, që ka hapur biznes në vendlindje, në Deçan. Restorani i tij, përveç që është model i ndërmarrësisë evropiane, ka të punësuar edhe dhjetëra banorë të kësaj ane”, ka shkruar Haradinaj.

/Epoka e re/