Ish-nënkryetari i Kuvendit të Kosovës, Xhavit Haliti, e ka quajtur super lajm zgjedhjen e deputeti gjerman Peter Beyer për raportues të Kosovës në Këshillin e Evropës dhe humbjen e ish-spiunit rusi, Aleksey Kondratyev.

Haliti, i cili e ka përcjell nga afër këtë votim, ka falënderuar të gjithë anëtarët e delegacioneve të Komisionit për Politikë të Jashtme e Demokraci të Asamblesë Parlamentare të Këshillit të Evropës.

Postimi i plotë i Halitit në “Facebook”:

Një lajm super i mirë për Kosovën!

Dështoi zgjedhja e ish- spiunit rus, Aleksey Kondratyev, raportues në Asamblenë Parlamentare të Këshillit të Evropës për Kosovën.

Raportues për Kosovën është zgjedhur diplomati Peter Bayer i CDU-së së Gjermanisë.

I falënderoj për mbështetje të gjithë anëtarët e delegacioneve të Komisionit për Politikë të Jashtme e Demokraci të Asamblesë Parlamentare të Këshillit të Evropës.

Një falënderim i veçantë kam edhe për miqtë e mi, Ervin Bushatin nga Parlamenti i Shqipërisë, Adnan Dibrani nga Parlamenti i Suedisë dhe Mimoza Ahmeti (konsulle e përgjithshme e Kosovës në Starsburg), me të cilët lobuam fuqishëm kundër zgjedhjes së ish- spiunit rus raportues për Kosovën.