Qytetarët e Kosovës po vazhdojnë mos t’i respektojnë rekomandimet dhe masat e ndërmarra nga Qeveria e Kosovës për parandalimin e përhapjes së koronavirusit. Mbrëmë në fshatin Stankaj të Pejës raportohet se dy të dyshuar, një burrë dhe një grua kanë organizuar aheng familjar në një lokal-restorant në kundërshtim me vendimin e qeverisë.

Në vendin e ngjarjes kanë dalë inspektorët komunalë, të cilët dy të dyshuarve u kanë shqiptuar gjoba mandatore, ndërsa me vendim të prokurorit rasti ka shkuar në procedurë të rregullt.