Ka vdekur Isuf Ramosaj, i cili gjatë kohës së luftës ka qenë kuzhinier, i cili u ka gatuar ushqim ushtarëve të Ushtrisë Çlirimtare të Kosovës.

Lajmi u bë i ditur nga kryetari i Komunës së Deçanit, Bashkim Ramosaj, përmes një postimi në “Facebook”.

Ai  ka thënë se do ta kujtojnë atë për kohën e Luftës së UÇK-së dhe rolin e tij si kuzhinier në atë kohë.

“Kur njerëzit që ke njohur ndahen nga jeta, mundohemi t’ju kujtojmë diçka që ti mbajmë në mendje. Isuf Beqirin e Ramosajve, do e kujtojmë gjatë për kohën e Luftës së UÇK-se, dhe rolin e tij si kuzhinier në atë kohë të lavdisë. Prehu në paqe Isuf Longi”, ka shkruar Ramosaj.