Ambasadorja e Shteteve të Bashkuara të Amerikës (SHBA), në Shqipëri Yuri Kim ka njoftuar se këto 48 orë të fundit ka takuar tre figurat më të rëndësishme politike në vend.

Kim përmes një statusi në Tëitter ka shkruar se ka takuar Bashën, Ramën dhe Metën, ndërsa mesazhi i saj është që shqiptarët të votojnë të lirë dhe në paqe.

“Takova kryetarin e PD-së Lulzim Basha sot, njësoj siç jam takuar me presidentin Ilir Meta dhe kryeministritn Edi Rama në 48 orët e fundit. Ne përsërisim se SHBA nuk mbështet asnjë parti ose kandidat. Por ne mbështesim absolutisht të drejtën e të gjithë qytetarëve të Shqipërisë për të votuar lirshëm dhe në paqe”, ka shkruar Kim.

Ndryshe, të premten presidenti i Shqipërisë Ilir Meta dhe ambasadorja Yuri Kim janë përfshirë në një debat në distancë mes tyre.

I met ⁦DP Chair @lulzimbasha_al⁩ today, same as I have met Pres ⁦⁦@ilirmetazyrtar⁩ & PM ⁦@ediramaal⁩ in last 48 hrs. We reiterate 🇺🇸 does not support any party or candidate. But we absolutely support the right of all 🇦🇱 citizens to vote freely & in peace. pic.twitter.com/G9egTcrMNn

— U.S. Ambassador to Albania (@USAmbAlbania) April 24, 2021