Paul Pogba do të largohet nga Manchester United këtë verë dhe për këtë gjë nuk ka më dyshime, pasi diçka e tillë është vendosur edhe nga vetë klubi anglez.

Alternativat për francezin janë disa, ku në krye qëndrojnë Real Madrid dhe Juventus, por nuk duhet harruar Inter. Gjithsesi, duket se Pogba e ka zgjedhur të ardhmen e tij dhe këtë gjë e thotë Ëilly Sagnol.

Legjenda e Francës shprehet për “RMC Sport” se mesfushori i United dëshiron Realin.

“Janë të gjitha kushtet që Pogba të kalojë te Reali. Ai e dëshiron këtë gjë, ashtu si madrilenët. Florentino Perez po ashtu, së bashku me Zidane e pëlqejnë Pogban. Manchester nga ana tjetër kërkon ta shesë dhe kjo çështje do mbyllet shumë shpejt. Pogba kalon në Madrid”, shprehet Sagnol.