Kryetari i Lidhjes Demokratike të Kosovës (LDK), Lumir Abdixhiku, ka pritur në takim ambasadoren e Izraelit në Kosovë, Tamar Ziv.

Fillimisht, Abdixhiku ka vlerësuar se njohja e Kosovës nga Izraeli është një moment shumë i rëndësishëm në forcimin dhe konsolidimin e subjektivitetit ndërkombëtar të Kosovës.

Gjatë takimit është diskutuar edhe për sfidat dhe nevojën e thellimit të bashkëpunimit mes dy vendeve, si në rrafshin politik ashtu edhe në atë ekonomik.

Kryetari Abdixhiku e ka falënderuar ambasadoren Ziv për vizitën si dhe rolin e shtetit të saj në mbështetje të Kosovës, me ç’rast edhe janë dakorduar që bashkëpunimi në mes të Republikës së Kosovës dhe Izraelit të intensifikohet edhe më tutje.