Bashkimi Evropian ka ngrirë asete ruse me vlerë rreth 17 miliardë euro, që kur Moska pushtoi Kievin në shkurt, tha Komisionari i BE-së për Drejtësi, Didier Reynders.

Zyrtarët ukrainas kanë bërë thirrje që këto asete të përdoren për të rindërtuar vendin e tyre pas luftës.

“Deri më tani, pasuritë e 90 personave janë ngrirë, më shumë se 17 miliardë euro në shtatë shtete anëtare, duke përfshirë 2.2 miliardë euro në Gjermani. Nëse këto janë para kriminale të konfiskuara nga BE-ja është e mundur që ato të transferohen në një fond për Ukrainën. Kjo shumë është larg nga shuma që duhet për të financuar rindërtimin”, tha Reynders.

Ai gjithashtu tha se këtë vit mund të shihen gjyqet e para të krimeve të luftës të lidhura me luftën në Ukrainë.

Dhjetëra shtete u zotuan në korrik që të mbështesin Ukrainën në atë që presin të jetë një rimëkëmbje e gjatë dhe e shtrenjtë.

Kostoja e rindërtimit të Ukrainës pas pushtimit të Rusisë mund të arrijë në 750 miliardë dollarë dhe rusët e pasur duhet të ndihmojnë për të përballuar këtë kosto, kishte deklaruar në korrik, kryeministri ukrainas Denys Shmygal. /REL/