Mallorca e shet Muriqin vetëm për 40 milionë euro
01 nëntor 2022
| 13:17
Reprezentuesi i Kosovës në futboll, Vedat Muriqi pas paraqitjeve të shkëlqyeshme në këtë fillim-sezon e ka rritur dukshëm vlerën e kartonit të tij. Skuadra e Mallorcas ua ka bërë të qartë ndërmjetësuesve të saj se do ta shiste sulmuesin “dardan” vetëm për 40 milionë euro.
28-vjeçari i ka realizuar 6 gola nga 10 golat sa i ka shënuar krejt ekipi, më saktësisht 60 për qind të golave.
Ai madje është golashënuesi i katërt më i mirë në kampionatin spanjoll, duke i lënë prapa yjet si Benzema, Griezmann, Morata e Cavani.
Mallorca synon ta mbajë ish-futbollistin e Lazios, Rizesporit dhe Fenerbahçes për një kohë të gjatë.