Deputeti i Partisë Demokratike të Kosovës (PDK), Bekim Haxhiu, gjatë seancës së sotme në Kuvendin e Kosovës ka deklaruar se ka pasur një pyetje për ministrin e Kulturës, Rinisë dhe Sportit, Hajrullah Çeku, por i njëjti nuk ishte prezent në seancë.

Sipas Haxhiut, është e papërgjegjshme që ministri Çeku të mos marrë pjesë në seancë.

Ai ka deklaruar se kryeministri Albin Kurti sa ka qenë në opozitë kishte insistuar shumë që ministrat t’i përgjigjen deputetëve.

“Le të ua ngreh veshin pak ministrave të tij që të përgjigjen para deputetëve, sepse ka marrë përgjegjësi me u përgjigj”, ka thënë Haxhiu.

Haxhiu ka thënë se Kurti duhet që së paku kërkesat e tij si opozitar, t’i zbatoj tash që është në pushtet.