“Të adresohen çështjet e integrimit të mëtejmë të komunitetit etnik shqiptar në shoqërinë serbe, përmes planit shtatë pikash si dhe të merren parasysh shqetësimet e ngritura nga komunitetet lidhur me pasivizimin e adresave që shpresojmë të adresohen brenda kornizës kushtetuese të Serbisë”.

Kështu ka thënë të enjten kryediplomati shqiptar i Maqedonisë së Veriut, Bujar Osmani në Beograd, ku është duke qëndruar në vizitë pune në rolin e kryesuesit të OSBE-së.

Osmani mes tjerash në konferencën për medie, ka thënë se dialogu dhe bashkëpunimi konstruktiv duhet të jenë imperativ, duke shprehur mbështetje të fuqishme të OSBE-së për dialogun Beograd-Prishtinë, të ndërmjetësuar nga BE-ja.

Në këtë kontekst iu referua edhe rëndësisë së takimit i cili u mbajt në Ohër me çka edhe më tej u hap rruga për normalizimin e marrëdhënieve.