Kandidatja për deputete nga radhët e Partisë Demokratike të Kosovës (PDK), Besa Ismaili, ka thënë se rinumërimi i votave është një e drejtë ligjore në Kosovë.

Për më tepër, Ismaili ka thënë se rinumërimi i votave është pjesë e rëndësishme e procesit demokratik përmes së cilës sigurohet drejtësia zgjedhore, rritet besimi i qytetarëve në sistemin zgjedhor dhe sigurohet që rezultati përfundimtar të pasqyrojë saktësisht vullnetin e votuesve.

“Po. Rinumërimi është një e drejtë ligjore në Kosovë. Për më tepër, rinumërimi i votave është pjesë e rëndësishme e procesit demokratik përmes së cilës sigurohet drejtësia zgjedhore, rritet besimi i qytetarëve në sistemin zgjedhor dhe sigurohet që rezultati përfundimtar të pasqyrojë saktësisht vullnetin e votuesve, qoftë edhe për një votë të vetme. Pa zbatim efektiv të sistemit të drejtësisë elektorale nuk mund të mbijetojë demokracia në Kosovë!”, ka shkruar Ismaili në “Facebook”.