Kryetari i Kuvendit të Kosovës, Glauk Konjufca, ka reaguar ndaj aksidentit tragjik në Shqipëri, ku si pasojë kanë humbur jetën 8 persona.

Konjufca u ka shprehur ngushëllime familjarëve të viktimave dhe shtetit të Shqipërisë.

“Më shumë pikëllim dhe dhimbje të thellë morëm lajmin për aksidentin tragjik në Shqipëri, ku humbën jetën 8 qytetarë. Në këto momente kaq të vështira qëndrojmë pranë familjeve të viktimave, të cilët lutemi ta gjejnë forcën ta përballojnë këtë tragjedi, e cila na ka tronditur dhe prekur të gjithëve. Shpreh ngushëllimet më të sinqerta ndaj familjarëve dhe miqve të viktimave, por edhe ndaj shtetit të Shqipërisë, po aq sa edhe popullit tonë, sepse sot është një ditë e trishtë për të gjithë shqiptarët”, ka shkruar Konjufca në “Facebook”.