Albin Kurti dhe Donika Kadaj-Bujupi mbesin në paraburgim

20 dhjetor 2017 | 16:51

Deputetët e Vetëvendosjes, Albin Kurti dhe Donika Kadaj-Bujupi do të mbesin në paraburgim pasi është refuzuar kërkesa për ndërprerjen e masës së paraburgimit.

Në ndërkohë deputetja e Vetëvendosjes, Albulena Haxhiu ka propozuar që në procesin gjyqësor ndaj saj dhe tre deputetëve të tjerë të kësaj partie, të ftohen 23 dëshmitarë.

Por, prokurori ka thënë se propozimi i të akuzuarve për dëgjimin e dëshmitarëve është jo relevant.

Më pas, trupi gjykues i ka refuzuar propozimin për thirrjen e dëshmitarëve, me arsyetimin se nuk kanë asnjë relevancë për çështjen.

Albin Kurti, Donika Kadaj-Bujupi, Albulena Haxhiu dhe Faton Topalli akuzohen për veprat penale “Përdorim i armës apo mjetit të rrezikshëm” dhe “Pengim i personit zyrtar në kryerjen e detyrës zyrtare”, lidhur me hedhjen e gazit lotsjellës në Kuvendin e Kosovës. KK

Lajme të sponsorizuara

Të fundit
Mesfushori i Kombëtares së Kroacisë, Luka Modriq ka thënë se…