Kryeministri në detyrë, Albin Kurti, u ka bërë thirrje qytetarëve që të marrin pjesë në tubimin përmbyllës të fushatës zgjedhore, i cili do të mbahet në Prishtinë, raporton GazetaBlic.

Në një mesazh drejtuar qytetarëve, Kurti tha se zgjedhjet ishin të panevojshme, por theksoi se pjesëmarrja në votim është e domosdoshme. Ai njoftoi se fushata po i afrohet fundit dhe se përmbyllja e saj do të jetë “madhështore”.

Tubimi është planifikuar të mbahet të shtunën, në orën 20:30, në hapësirën prapa Pallatit të Rinisë në Prishtinë.

Postimi i plotë:

Të dashur qytetarë,

Zgjedhjet ishin të panevojshme, por tash votimi është i domosdoshëm.

Po i afrohemi mbylljes së kësaj fushate dhe, natyrisht, përmbylljen do ta kemi madhështore.

Ju ftoj krejtve në tubimin tonë në Prishtinë, ejani nesër, ditë e shtunë, prej orës 20:30, në hapësirën prapa Pallatit të Rinisë.

Ju dua fort e mirupafshim!