AMANETI

16 gusht 2022 | 15:25

Xhevdet Bajraj

E dashur
jam pakëz
vetëm pakëz i lodhur
nëse nuk do të jem më
kur të botohet ky libër
amanet
le të më varrosin me këpucë
të mbathura
apo le t’m’i lënë pranë kresë
a pranë këmbëve
se s’jam i marrë
ta bëj as edhe një hap
në të panjohurën
pa to
Atëherë
kur ta kesh librin në duar
zbërthe pullat e këmishës
dhe më afro mes gjinjve
dua të t’i dëgjoj të rrahurat e zemrës
tek më thonë
tash rrahim
që ta mbajmë të gjallë
këtë plakë
që të mund të të sjell
mbi varr
ndonjë degë të njomë bliri
Ti e di
se bliri i ka gjethet në formë zemre
apo jo
Nuk është koha për modesti
Nga dorëshkrimi i librit që do të botohet të shtunën

Lajme të sponsorizuara

Të fundit
Një aksident i rëndë trafiku ka ndodhur pak minuta më…