Ambasadori i Zvicrës: Do të vazhdojmë ta përkrahim Kosovën

18 maj 2018 | 15:09

Ministri i Punëve të Brendshme (MPB), Bejtush Gashi, ka pritur të premten në takim njoftues ambasadorin e Zvicrës në Kosovë, Jean-Hubert Lebet.

Ministri Gashi ka falënderuar ambasadorin zviceran për mbështetjen e vazhdueshme që shteti i tij ka dhënë për Republikën e Kosovës, veçanërisht për MPB-në, sa i përket projekteve të përbashkëta, kryesisht të çështjes së migrimit.

Ndërsa ambasadori zviceran, Jean-Hubert Lebet, ka premtuar se Zvicra do të vazhdojë të jetë përkrahëse në proceset nëpër të cilat po kalon Republika e Kosovës.

Gjatë këtij takimi, të dy bashkëbiseduesit fokus të veçantë i kanë kushtuar edhe çështjes së migrimit. Ata kanë vlerësuar se ka pasur një bashkëpunim të mirë në çështjen e menaxhimit të migrimit dhe se ky bashkëpunim do të vazhdojë edhe në të ardhmen.

/Epoka e re/

Lajme të sponsorizuara

Të fundit
Prishtina do të luajë të dielën ndeshjen kryesore ndaj Dritës…