Trajneri i kombëtares së Brazilit, Carlo Ancelotti, ka zgjedhur sulmuesin e Barcelonës, Raphinha, për të mbajtur shiritin e kapitenit në ndeshjen miqësore ndërkombëtare të së shtunës kundër Japonisë në Singapor.

Sipas gazetës “Marca”, ylli i Barcelonës, Raphinha, do të jetë kapiten i Brazilit në ndeshjet e ardhshme miqësore kundër Japonisë dhe Singaporit.

29-vjeçari pritet ta marrë shiritin e kapitenit në mungesë të mbrojtësit të PSG-së, Marquinhos, i cili do ta humbasë këtë grumbullim të kombëtares për shkak të një dëmtimi.

Trajneri i Seleçaos e ka zgjedhur Raphinhan përpara lojtarëve si Vinicius Junior, Gabriel Magalhaes dhe Bruno Guimaraes, gjë që flet shumë për cilësitë e lidershipit të kapitenit të Barcelonës.

Hansi Flick e ka emëruar Raphinhan kapiten të Barcelonës këtë sezon, si shpërblim për ndikimin e tij në rritje në dhomat e zhveshjes, përveç cilësisë së tij të pakrahasueshme në fushë.

Brazili dhe Barcelona kanë rënë dakord ta menaxhojnë ngarkesën e punës së Raphinhas për të shmangur dëmtimet, ndryshe nga grumbullimet e mëparshme.