Anëtari i Kryesisë së Nismës Socialdemokrate, Fazli Hoxhaj, ka bërë me dije se sot ka vizituar çlirimtarët në Hagë.

Ai përmes një postimi në “Facebook”, ka shkruar se ata ishin të fortë si asnjëherë më parë.

Postimi i plotë i tij në “Facebook”:

Të fortë si asnjëherë më parë ishin çlirimtarët tanë

Në vizitën time të dytë, kësaj here me rastin e festave të Nëntorit, u ndjeva mirë se shokët e luftës çlirimtare, udhëheqësit e UÇK-së ishin mirë, të fortë dhe krenarë për rrugëtimin e tyre të drejtë për t’ia sjell lirinë popullit të Kosovës. Ata përsëri do të kthehen si çlirimtarë dhe fitimtarë.