Arrestohet 19-vjeçari në Tiranë, iu gjetën 463 doza me lëndë narkotike

16 gusht 11:41

Policia e Tiranës ka sekuestruar 463 gramë lëndë narkotike “cannabis sativa”, e ndarë në doza gati për shitje si dhe ka vënë nën pranga poseduesin, njëkohësisht edhe shpërndarësin e lëndës narkotike.

Gjatë operacionit të koduar “Muzgu” është bërë i mundur arrestimi në flagrancë i shtetasit L. S., 19 vjeç, lindur në Tiranë.

Policia kishte marrë informacione në rrugë operative se shtetasi L. S., në qytetin e Tiranës, kryesisht në rrugën “Dhimitër Shuteriqi”, u shiste lëndë narkotike, kryesisht “cannabis sativa”, personave të ndryshëm, përdorues të lëndëve narkotike.

Në momentin e kapjes, të riut i është gjetur një sasi dozash lëndë narkotike “cannabis sativa”, e gatshme për ta hedhur në treg.

Gjatë kontrollit në banesë, policia ka gjetur edhe një sasi tjetër dozash me lëndë narkotike, gjithsej 463 doza me lëndë narkotike “Cannabis Sativa”, të futura në qese farmaceutike.

Materialet procedurale do t’i kalojnë Prokurorisë pranë Gjykatës së shkallës së parë Tiranë, për veprime të mëtejshme hetimore për veprën penale “prodhimi dhe shitja e narkotikëve”.

Lajme të sponsorizuara

Të fundit
Mediat amerikane janë duke raportuar se presidenti i Shteteve të…