Sabri Kiçmari i cili është ambasador i Kosovës në Australi në rrjetin social “Facebook” ka shprehur dashurinë dhe simpatinë që ka për shtetin e Australisë, i cili nderon ushtarët e vet të vrarë në detyra shtetërore e kombëtare.

Postimi i plotë i Kiçmarit: 

Australinë e kam lakmi për respektin dhe nderimin e lartë që shpreh për ushtarët e saj të rënë në detyrë shtetërore dhe kombëtare, në luftëra dhe misione paqëruajtëse.

Sot ishte një ditë e tilë – Dita Anzac. Ishin mbledhur mijëra njerëz në Kanbera pranë Memorialit Australian të Luftës në një ceremoni shtetërore impozante, me parakalim veteranësh dhe invalidësh të luftës.

Një traditë e tillë është ruajtur prej 103 vitesh dhe edhe pas kaq kohësh ngjall emocion te qytetarët australianë përmes thirrjes së përbashkët “Lest we forget!”