Bajrami: Buxheti për vitin 2023 nuk e parasheh zbatimin e Ligjit të pagave

02 nëntor 10:08

Deputetja e LDK-së, Hykmete Bajrami, ka thënë se buxheti për vitin 2023 nuk e parasheh zbatimin e Ligjit të pagave dhe nuk parasheh as rritje pensionesh.

“Kur Kosova po përballet me inflacion, Qeveria e Kosovës ka propozuar ”buxhetin më të madh në histori’, ku nuk përfshinë rritje të pensioneve. Nuk ka paraparë as kosto për zbatimin e Ligjit të pagave. Pra, nuk ka paraparë rritje pagash, nuk ka paraparë as indeksim të pensioneve dhe pagave për normën e inflacionit”, ka shkruar Bajrami në “Facebook”.

Ajo ka theksuar se inflacioni është 12.7 për qind. “Për shportën bazë të konsumatorit rritja ka kalu 50 për qindëshin. Më së shumti nga inflacioni po preken familjet pa të ardhura dhe ato me të ardhura të ulëta”, ka shkruar ajo.

Në gjithë këtë situatë, Bajrami ka thënë se Qeveria s’ka asnjë plan. “Ndoshta, kjo Qeveri ka plan të ikë sepse deri më tash s’po shohim as hapa minimal për t’u përballur me këtë situatë të rënduar”.

“Partia në pushtet dhe komplet Qeveria janë kurthuar në temën e targave. Kanë shndërruar dialogun me Serbinë në temë qendrore. Konfrontimin me SHBA-në dhe BE-në e kanë bërë përditshmëri. Dhe, s’kanë asnjë zgjidhje për ekonomi, s’kanë zgjidhje për arsim, s’kanë zgjidhje as për shëndetësi”, ka shkruar deputetja e LDK-së, për të vazhduar se: “Ndoshta, partia në pushtet dhe komplet Qeveria po punojnë në video propaganduese se si ‘Kosova po bëhet si Kroacia’?”.

Lajme të sponsorizuara

Të fundit
Deputeti i Lëvizjes Vetëvendosje, Dimal Basha, ka thënë se “qeveritë…