Bajrami: Disa gjëra që VV-ja dëshiron t’i bëjë janë rrezik për shtetin

19 maj 2021 | 23:51

Deputetja e LDK-së, Hykmete Bajrami ka thënë në emisionin dPT në T7 se disa nga propozimet e VV-së janë në kundërshtim me shtetin e Kosovës.

Ajo kritikoi planprogramin qeverisës të Qeverisë Kurti.

“Ata janë parti e majtë. Këtë e dimë. Planet e tyre janë të njohura moti. Disa gjëra që mund të bëjnë janë në kundërshtim me Kushtetutën dhe rrezik për shtetin”, ka thënë ajo.

“Për shembull ndërhyrja në tregun e lirë. Ndërhyrja në tregun e lirë është shkelje e Kushtetutës pasi tek ne me ligj garantohet tregu i lirë. Pastaj disa masa tjera që janë ndërmarrë si skema sociale mund të shihni se janë në kundërshtim me vetvete. Për shembull, fëmija i një ministri apo qeveritari nuk ka nevojë të marrë 10 euro sikur një fëmijë i familjes mesatare apo të varfër. Të gjitha masat e tyre janë jashtëzakonisht të kushtueshme. Ne si LDK kur e patëm bërë planin e përbashkët është dashur që të kundërshtojmë këto masa”, shtoi ajo.

 

Lajme të sponsorizuara

Të fundit
Shtëpia më e famshme e Shqipërisë së shpejti do të…