Barcelona kërkon një mesfushor në janar, këto janë tri alternativat nga Premier Liga
19 tetor 2022
| 11:31
Skuadra e Barcelonës është e interesuar të transferojë edhe një mesfushor në merkaton e janarit.
Katalanët kanë dështuar keq në Ligën e Kampionëve si dhe janë mposhtur në “El Clasico”, për të afruar edhe një frymë të keqe në skuadër.
Tani, klubi synon që në merkaton e janarit të afrojë edhe një mesfushor tjetër, ka raportuar “Mundo Deportivo”.
Tre emrat që prijnë listën e dëshirave të Barcelonës janë Youri Tielemans, Ruben Neves dhe Jorginho.
Jorginho i është ofruar klubit edhe më parë, kurse për Tielemans do të ketë garë më të ashpër, pasi atë e do edhe Arsenali.
Mbetet të shihet nëse Barcelona do të arrijë të marrë shërbimet e ndonjërit prej tre lojtarëve.
Jorginho – Chelsea
Youri Tielemans – Leicester City
Ruben Neves – Wolverhampton Wanderers