Javier Mascherano është rrugës që të largohet nga Barcelona.

Është klubi katalans që ka lëshuar një letër përmes së cilës i falënderohet argjentinasit për kontributin e dhënë në Camp Nou.

Ai nën fanellën e Barcelonës ka zhvilluar 334 paraqitje për tetë sezone. Janë vetëm tre futbollistë të huaj që kanë luajtur më shumë për Barcën, shkruan Mirror, përcjell Klan Kosova.

Vetëm Philipp Cocu, Dani Alves dhe Lionel Messi kanë djersitur më shumë fanellën e Barcelonës.

Pas La Liga, Mascherano karrierën pritet që ta vazhdojë në Kinë te Hebei Fortune.