Shoqata e Matematikanëve të Kosovës është votuar për Çmimin “Evropiani i Vitit 2021”, çmim ky që jepet çdo vit me rastin e Ditës së Evropës nga Bashkimi Evropian në Kosovë.

Në ceremoninë e cila u zhvillua të premten, kryetarit të Shoqatës së Matematikës së Kosovës, Armend Shabani iu dha çmimi nga shef i Zyrës së BE-së në Kosovë, Tomas Szunyog.

Për të gjashtin vit radhazi, me rastin e Ditës së Evropës, Bashkimi Evropian Kosova i ndan çmimin evropian të vitit një individi / institucioni që ka kontribuar më së shumti në promovimin e vlerave evropiane gjatë vitit paraprak.