Biblioteka “Latif Berisha” në Mitrovicë është pasuruar me një fond librash prej 364 tituj të ndryshëm, gjegjësisht 800 ekzemplarë të rinj.

Me rastin e pranimit të librave, drejtori për Kulturë, Rini dhe Sport, Tafil Peci është shprehur i kënaqur me këtë investim nga drejtoria të cilin e udhëheq ai, pasi që në këtë mënyrë pasurohet biblioteka me vepra tjera letrare, si dhe kontribuojmë në rritjen e fondit të librave.

Gjithashtu ai ka bërë me dije se ky investim është realizuar me qëllim që lexuesit e qytetit tonë të kenë shumëllojshmëri të veprave, në të cilat ata mund të gjejnë vetën e tyre, andaj u uron të gjithë adhuruesve të librit për këtë pasuri letrare, dhe nga thellësia e zemrës ju dëshiron lexim të këndshëm.

Vlen të potencohet se këta libra janë blerë nga planifikimi buxhetor i Drejtorisë për Kulturë, Rini dhe Sport në vlerë prej 10 mijë euro, dhe do t’ju shërbejnë lexuesve dhe shfrytëzuesve të Bibliotekës së qytetit.