Partia Socialdemokrate (PSD) ka bërë me dije se brenda 24 orëve peticionin online për rritjen e pagës minimale e kanë nënshkruar  mbi 2 000 qytetarë.

Në një konferencë për medie deputeti Frashër Krasniqi dhe zëdhënësja e PSD-së Natyra Kuçi i kanë bërë thirrje Qeverisë së Kosovës që të marrë vendimin sa më parë për rritjen e pagës minimale.

Kuçi e Krasniqi kanë ftuar qytetarët që të vazhdojnë ta nënshkruajnë këtë peticion, duke e quajtur këtë formë për rritjen e presionit tek ekzekutive që të ndërmarrë hapa sa më parë.